美斯哭成淚人，令人心酸！(Getty Images)
巴塞隆拿球王美斯召開記者會，親自剖白離開球隊嘅決定，不過未開始已經哭成淚人。
美斯定過神之後開腔：「我整個人生都喺呢度過，所以要作出離隊決定好困難。我一點都未做好準備。呢度係我屋企，所以我認為留喺巴塞係理所當然嘅事，但今日我竟然要向呢度所有嘢講再見。」
美斯講講吓，又忍唔住喊出嚟：「我13歲時已經喺呢度，21年後我竟然要同我嘅妻子及3個小朋友離開，我實在講唔出說話。」
呢名阿根廷球王亦特別多謝球迷，又話未能同球迷道別，令佢覺得好遺憾：「由於疫情關係，一年幾我哋(球迷)少見面，依家我更要喺接觸不到支持者嘅情況下同佢哋告別，真係好痛苦。」
有傳媒問到未來去向，係咪去巴黎聖日耳門，佢就咁答：「去聖日耳門？我仲未有確定去向，但的確有接觸。」
美斯哭成淚人：我未做好離隊準備 - on.cc東網
Read More
No comments:
Post a Comment